呢篇文，令我想起一個舊同事。
他捨棄了令自己一朝「發達」、月入十萬、令大多數人「艷羨」的生活，選擇做一個普普通通月入僅僅過萬的銀行前線。
有次傾計，烈日當空，英俊得嚟又有點MK嘅佢突然話：「Bella，講樣嘢你知，其實我入嚟之前，曾經做過倫敦金。」
「吓？」這是我第一反應。心諗，睇你唔出喎。
「我嗰時都試過一個月搵十萬。」
「係咪真係個個月都有十萬咁好搵啊？！」
「我唔係。我做咗一年，得一個月有十萬，其餘十一個月，無收入。」
「點解咁大波幅嘅？」
「你究竟知唔知倫敦金點賺錢㗎？」
「唔知啊！咁你嗰十萬點搵返嚟㗎？」
「我哋有call list，我日日就打電話call客，有一日，終於有個大陸佬肯落deal。而我嗰十萬，就係靠不斷trade，將佢嘅十萬，變成我嘅十萬。」
「哦......」除了驚訝，我講不出話。
「咁點解你唔繼續做落去？」
「我覺得好唔安落。」
呢一刻，望著他，陽光灑落在他古銅色的臉龐，讓他看起來更charm。看來，在金錢與良心的較量，他已作出了選擇。
英俊MK同事繼續同我分享了他舊同事們的「成功」事蹟，這裡不詳述了。
我們的選擇，往往決定了我們是怎樣的人。而他，選擇了令自己「做得安落」的工作。
當然，我不知道在外人眼中，我們零售銀行界的死Sell屎會不會只是Lesser Evil。
但至少，我們無愧於心，每晚都能睡個安穩。
P.S.唔記得講，如果想知更多關於倫敦金，可以睇下我在倫敦掘金的秘史 =p
... 正如舊同學聚會，最串的並非咩 #Banker 或 #紀律部隊幫辦，反而係以前好似吸過毒仲衰過，而家出返來「#做金融」，開口埋口自己點炒現貨金，點樣「自己努力儲一個月錢買隻 Rolex #Daytona」。
無他的，近年最賺錢的族群，不外乎做澳門賭廳，收樓收地，同埋賣倫敦金的。至於真正做實業起家，或做專業類工種而實而不華的，你有見到幾多個真係過住幾好生活？
呢個年頭，無論各行各業，看似越古惑，越賺到錢。越老實，越跑得慢，或許，真的 nice guys finish last...?
全文：http://bit.ly/2tuCSyb
歡迎SJ讀者爆料人工資訊： http://stealjobs.com/input-salary/
StealJobs 優越工作情報網 香港No.1求職內幕分享
設定 #StealJobs 為「優先看 (See first)」! 設定方法：設定 > 動態消息偏好設定 > 預定優先看的次序 > 選擇StealJobs 優越工作情報網 ，圖示：https://goo.gl/7VTXLP
Android 安卓用戶如未能打開網站，請直接登錄 StealJobs.com 或在已打開的Facebook 瀏覽器內選擇 由默認瀏覽器 開啟
Search